مشكلة الثورة مش الجيش – المشكلة هي الشعب

enzel elshare3 graffiti adham bakry cairo egypt revolution

أيوة الشعب هو المشكلة. احنا السبنى العسكر يحكمنا مع اننا عارفين إن احنا في دولة بيحكمها العسكر من وقت ما شالو الملك. ناصر كان عسكر. و مش بس عسكر كمان دكتاتور كبير قمع القوة السياسية و إستغل سذاجة الاخوان المسلمين و طمعهم فالسلطة وركبها هو و ابتدى يودينا في داهية. بعدها جه السادات. هو كمان كان عسكر و دكتاتور. مشى البلد على مزاجو و ادى فرصة لإسرائيل و أمريكا يتحكمو فينا و يماشونا على مزاجهم.  و بعدين جه حبيبنا مبارك. كمل مسيرة السادات و قلبها دولة البوليس بيتحكم فالشعب و سيدنا و تاج راسنا. كل العسكر دول خربو البلد و قمعوا حريتنا و عذبو شبابنا و بهدلوا بيئتنا و نهبوا فلوسنا.

بس المشكلة مش بس اننا سبنى العسكر يحكمنا عيني عينك فالفترة الإنتقالية. المشكلة إن احنا كشعب من يوم ٢٥ يناير وحنا بنقول “كفاية كدة”. المشكلة إن احنا طيبين بزيادة و بهبل. والطيب بياخد على افاه. عشان كدة مصر راحت من فرعون حكمها، لأجانب لملوك لعسكر. عشان كدة عمرنا ما كان لينا رأي ولا حكمنا نفسنا.  لأن كل ما مجموعة ناس تحاول تعمل تغير و تكافح عشان حرية الباقي بدل ما الشعب يقف معاهم بنقلهم “كفاية كدة”. طول ال-١٨ يوم بتوع الثورة الشعب معظمو مكنش واقف مع الثورة. مكنتش الناس متخيلة إن مبارك ممكن يمشي. لكن هو مشي. و من ساعتها كل الكان بيقول روحوا بقت الفرحة مش سيعاه.

و أدينا دلوقتي أهو حريتنا بتتقمع. بنتحاكم محاكمات عسكرية. بيتقبض على الشباب عشان بيقولو رأيهم سواء في صورة تظاهر أو عالنت. مفيش أي خطوات نحو العدالة الاجتماعية. الاعلام لسة بيكذب علينا و بيضلل الناس. الصحفيين والاعلاميين الشرفاء  مش عارفين يتكلموا عن الاحداث من غير تدخل السلطة. لو المجلس العسكري فعلاً كان مع الثورة و مبادئها ذي مبيقول على فيسبوك طول النهار والليل مكنش زمانو اتهجم على مظاهرات كل شهر من ساعة ما مبارك مشي. مكنش زمانو ساب الانفلات الامني يوصل بالمنظر ده. مكنش زمانو حاكم ١٢٬٠٠٠ واحد عسكرياً. مكنش زمانو ساب الاعلام يكدب علينا.

بس أرجع و أقول تاني. مش المجلس العسكري هو المشكلة. هو زيو زي أي دكتاتور تاني حكم مصر. احنا المشكلة عشان اتعودنا ناخد على افانا.

سؤالي بقى هو: هل حنفضل ناخد على افانا ٧٠٠٠ سنة كمان؟ ولا حننتهذ الفرصة و نوحد صفوفنا و نكمل ثورتنا و يبقى لينا مكانة و صوت؟

You can leave a response, or trackback from your own site.

Leave a Reply